Rusiya olimpiya dəyərlərini zorlayıb - Ukraynalı nazir
Beynəlxalq Olimpiya Komitəsi Rusiyanın Olimpiadaya buraxılmamağı ilə
bağlı çıxardığı qərar geniş rezonans doğurub.
Kaspi.az xəbər verir ki, Ukraynanın idman və gənclər naziri İqor
Jdanov da BOK-un qərarına münasibət bildirib. O, BOK-un qərarını dəstəklədiyini
deyib:
"BOK-un qərarını ürəkdən alqışlayıram. Rusiya ədalətli şəkildə
cəzalandırıldı. Onlar dövlət səviyyəsində dopinq qəbulunu həyata keçirmişdilər
və onu gizlətməyə cəhd göstərmişdilər.
Rusiya olimpiya dəyərlərini zorlayıb. Bu ölkəyə Olimpiadada yer yoxdur.
İdmanı belə təhdidlərdən təmizləmək lazımdı”.