Rus dili səfirləri ADU-da qonaqdır
Azərbaycan Dillər Universiteti
(ADU) və Rusiya Federasiyasının A.S.Puşkin adına Rus dili Dövlət İnstitutu
arasında əməkdaşlığa əsasən 11 nəfər rus dili səfiri universitetdə qonaqdır.
A.S.Puşkin adına Rus dili Dövlət
İnstitutunda rus dilinin öyrədilməsi üzrə təlimlər keçən rusiyalı gənclər ADU tələbələrinə
rus dili və mədəniyyətinin mənimsənilməsində yardım göstərir. 11 nəfər könüllü
1 həftə müddətində tələbələrlə dərslər təşkil edəcək.
2015-ci ildən həyata keçirilən bu
layihə çərçivəsində könüllülər Tacikistan, Moldova, Qırğızıstan, Bəhreyn,
Ekvador, Çin, Peru, Portuqaliya və Qazaxıstanda olublar. Bu, layihədə iştirak
edən könüllülərin ölkəmizə ikinci səfəridir və onlar ADU ilə yanaşı, şəhərin
digər təhsil müəssisələrində də təlimlər keçiriblər. Layihənin məqsədi ölkələrarası
dil və mədəniyyət sahəsində mübadiləni həyata keçirməkdir.