Rumıniya yığmasında yeni baş məşqçi
Rumıniya yığmasının yeni baş məşqçisi bəlli olub.
Kaspi.az xəbər verir ki, yığma komanda Kosmin Kontraya tapşırılıb. 41
yaşlı mütəxəssislə 2 illik müqavilə bağlanıb. Kontra bu postda alman Kristof Daumu əvəzləyib.
Daum Rumıniya yığmasında 2016-cı ilin yayından işləyirdi. Yığma onun
rəhbərliyi ilə DÇ-2018-in seçmə mərhələsində 9 xal toplayıb və qrupdan çıxmaq
şansını itirib.
Bu uğursuzluğa görə də, o, istefaya göndərilmişdi.