“Real”lıların prezidentdən xahişi - Onu satmayın
"Real”ın futbolçuları klubun prezidenti Florentino Peresə müraciət
ediblər.
Kaspi.az xəbər verir ki, futbolçuların müraciəti "Real”ın qapıçısı
Keylor Navasla bağlı olub. Oyunçular "kral klubu”nun prezidentindən Navasın
satılmamağını xahiş ediblər. 30 yaşlı kosta-rikalı qapıçıya dəstəyini
komandanın baş məşqçisi Zinəddin Zidan da bildirib.
İspaniya mətbuatında yayılan məlumatlarda bildirilir ki, Florentino
Peres Navası satmaq istəyir, əvəzində isə "Mançester Yunayted”in qapıçısı David
de Xeanı transfer etməyi planlaşdırır.