“Real”ın prezidenti Ronaldo barədə danışdı
"Real”ın prezidenti Florentino Peres Kriştiano Ronaldo barədə
danışıb.
Kaspi.az xəbər verir ki, Peres Ronaldoya görə heç bir klubdan təklif
almadıqlarını bildirib. O, portuqaliyalının klub üçün hamıdan vacib futbolçu
olduğunu deyib:
"Bizə heç kim Ronaldo ilə bağlı təklif göndərməyib. Ronaldo klub üçün
burda olanların hamısından vacibdir və burda olanların hamısından güclüdür”.
Bir müddət əvvəl Peres Ronaldonun klubdan getmək istəyinə belə
münasibət bildirmişdi: "Bu haqda qəzetdən oxudum. Hələlik bu problemi həll
etmək üçün bir qərara gəlməmişəm. Ronaldonun klubla müqaviləsi var və o,
"Real”ın futbolçusudur. Biz onunla danışacağıq, ondan sonra görək bu işlər necə
yekunlaşacaq”.