“Real”ın oyununda İspaniyanın bütövlüyü dəstəkləndi
"Real” - "Espanyol” qarşılaşmasında (2:0) azarkeşlər aksiya
keçiriblər.
Kaspi.az xəbər verir ki, "Real” azarkeşləri Kataloniyanın
müstəqilliyi üçün keçirilən referenduma etiraz ediblər. Onlar İspaniyanın
bütövlüyünü dəstəkləyiblər.
Azarkeşlər İspaniya bayraqlarını dalğalandırıb, "Yaşasın İspaniya!”
şüarını səsləndiriblər. Oyundan əvvəl bütün azarkeşlərə vərəqələrə paylanıb.
Azarkeşlər vərəqələri qarşılaşmanın 12-ci dəqiqəsində qaldırıblar.
Vərəqədə "Biz hamımız bir İspaniyayıq. Onu cibinizdə saxlayın, 12-ci
dəqiqədə çıxarın və bayraqla birgə qaldırın. Ona görə ki, biz 12-ci oyunçuyuq
və bir İspaniyayıq” yazılıb.
"Espanyol” Kataloniyanın yeganə peşəkar komandasıdır ki, müstəqillik
referendumunu dəstəkləməyib.