“Real” yetirmələrinin satışından da qazanır
Madrid "Real”ı öz yetirmələrinin satışından da xeyli gəlir əldə edir.
Kaspi.az xəbər verir ki, "kral klubu” son 5 ildə klubun
yetirmələrinin satışından 143 milyon avro gəlir əldə edib. İspaniya nəhəngi bu
qazancı 12 transfer əməliyyatı ilə əldə edib.
"Real” ən çox gəliri Alvaro Moratanın satışından əldə edib – 80
milyon. "Kral klubu” öz yetirməsi olan futbolçuların inkişafı üçün hər il 20
milyon vəsait ayırır.
Bu vəsaitin 5 milyon avrosu "Kastilia” klubuna yönəldilir.