Qışda ondan qurtulmaq istəyirlər
"Real” rəhbərliyi
ilə Qaret Beylin münasibətləri heç cür qaydasına düşmür.
Uelsli futbolçu
yayda komandanı tərk etmək istəsə də, çinlilərlə danışıqlardan son anda imtina
edərək Madriddə qalmağa üstünlük verdi. Kaspi.az xəbər verir ki, klub rəhbərliyi Beyldən qışda
qurtulmağı planlaşdırır.
Məlumata görə,
Beylin münasibətləri təkcə klub rəhbərliyi ilə yox, həm də baş məşqçi Zinəddin Zidanla da gərgindir.
Zizu onu "Brügge” ilə oyunda iştirak ərizəsinə salmamışdı. Baxmayaraq ki, Beyl
oynamağa tam hazır olduğunu bildirmişdi.
Artıq bu gərginlik
klub rəhbərliyini qəti addım atmağa vadar edir. Bosslar qışda onu satmağı
planlaşdırırlar. Bir müddət əvvəl Zidan şəxsi işlərinə görə vətəninə getməyə
Beylə icazə vermişdi. Məlum olmuşdu ki, Qaret həmin vaxt agenti ilə görüşüb.
Beylin müqaviləsi
2022-ci ilin yayında bitir.