“Qarabağ“ın rəqibində daha bir itki

Avropa Liqasının qrup mərhələsində "Qarabağ"ın rəqibi olan İtaliya "İnter"i daha bir itki ilə üzləşib.
Qol.az-ın "La Gazzetta dello Sport"a istinadən verdiyi məlumata görə, komandanın müdafiəçisi Danilo D`Ambrosio zədələnərək sıradan çıxıb.
Son məşqdə dizindən zədələnən 26 yaşlı futbolçunun durumunun ciddi olduğu bildirilir. D`Ambrosionun ən azı 6-8 həftə yaşıl meydanlardan kənarda qalacağı iddia olunur.
Qeyd edək ki, "İnter"in daha iki futbolçusu Pablo Osvaldo və Mateo Kovaçiç də zədə səbəbindən qarşıdakı oyunlarda komandasına kömək edə bilməyəcək.