Qarabağ münaqişəsi zamanı itkin düşmüş şəxs kimi qeydiyyata alınmış 3867 nəfərdən 62-si uşaqdır

"Ermənistan-Azərbaycan, Dağlıq Qarabağ münaqişəsi nəticəsində itkin düşmüş şəxs kimi Dövlət Komissiyasında qeydiyyata alınmış 3867 nəfərdən 62 nəfəri uşaqdır”.

APA-nın məlumatına görə, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının işçi qrupunun rəhbəri İsmayıl Axundov "Qətl edilmiş uşaqlar” kitabının təqdimatında deyib.

İ. Axundov 29 uşağın Ermənistan hərbçiləri tərəfindən girov götürülməsi və aidiyyəti beynəlxalq təşkilatlardan gizlədilərək saxlanılması barədə şahid ifadələrinin mövcud olduğunu bildirib.O qeyd edib ki, indiyə qədər azad edilənlərdən 210 nəfəri uşaq olub.