PSJ-nin prezidenti danışıqlar getdiyini təsdiqlədi
"Barselona”nın futbolçusu Neymarın PSJ-yə keçəcəyi ilə bağlı məlumat
gündəmdən düşmür.
Bu barədə müxtəlif versiyalar səsləndirilir. Kaspi.az xəbər verir ki,
PSJ-nin prezidenti Nəssir Əl-Xələfi də bu məsələ ilə bağlı danışıb. O, Neymarla
danışıqlar apardıqlarını təsdiqləyib:
"Neymarla danışıqlarımız inkişaf edir. Bu transferin baş tutacağına
ümidliyəm”.
PSJ Neymarın "Barselona” ilə müqaviləsində tələbə olunan məbləği -
222 milyon avronu ödəməyə hazırdır.
Paris klubu futbolçuya illik 30 milyon avro məvacib vəd edib.