• cümə axşamı, 28 mart, 23:05
  • Baku Bakı 13°C

Prezident İlham Əliyev: “Azərbaycanın sabitləşdirici amil kimi rolu artacaq”

20.02.17 09:00 844
Prezident İlham Əliyev: “Azərbaycanın sabitləşdirici amil kimi rolu artacaq”
"Qonşularımız arasında baş verən gərginliklər Azərbaycanı narahat edir, bu cür hallar regional sabitliyə təhlükə yaradır. Azərbaycan Türkiyə-Rusiya münasibətlərinin normallaşmasında fəal iştirak edib”.
APA-nın məlumatına görə, bu barədə Azərbaycan Prezidentiİlham ƏliyevMünhen Təhlükəsizlik Konfransı çərçivəsində Avrasiyada əməkdaşlıq və problemlər məsələlərinə həsr olunan panel-müzakirədə deyib.
Tədbirin aparıcısının təyyarənin vurulması hadisəsindən sonra kəskinləşən Rusiya-Türkiyə münasibətlərinin qısa müddətdə necə düzəlməsi və bu məsələdə rəsmi Bakının mövqeyi ilə bağlı sualına cavab verən prezidentİlham Əliyevbildirib ki, Azərbaycanın öz qonşuları olan İran, Türkiyə və Rusiya ilə yaxşı münasibətləri var və bu, qarşılıqlı hörmətə əsaslanır.
Qonşu dövlətlər arasında baş verən gərginliklərin Azərbaycanı da narahat etdiyini və bu cür halların regional sabitliyə təhlükə yaratdığını deyən dövlətbaşçısı Azərbaycanın Türkiyə-Rusiya münasibətlərinin normallaşmasında fəal iştirak etdiyini bildirib. Bu məqsədlə həm Türkiyə prezidentiRəcəb Tayyib Ərdoğan, həm də Rusiya prezidenti Vladimir Putinlə danışdığını, Qazaxıstan prezidenti Nursultan Nazarbayevin də vasitəçilik prosesində iştirak etdiyini deyən prezidentİlham ƏliyevTürkiyə və Rusiya dövlət başçılarının vəziyyəti qiymətləndirib düzgün qərar verdiklərini vurğulayıb.
Artıq Azərbaycanın sabitləşdirici amil kimi rolunun artdığını və bunun getdikcə beynəlxalq ictimaiyyət tərəfindən daha çox tanındığını deyən Prezidentİlham Əliyevbir neçə gün bundan əvvəl ABŞ və Rusiya Baş qərargah rəislərinin Bakıda keçirilən görüşünü şərh edərək bildirib: "Onlar ilk dəfə bizim ölkədə görüşdülər. Bakının seçilməsi qərarı bizim deyildi. Biz bu qarşılıqlı əlaqənin təşəbbüskarı kimi çıxış etməmişdik. Bizə yaxınlaşaraq bizim buna razı olub-olmamağımız soruşulmuşdu. Biz dedik ki, əlbəttə, buna razıyıq. Bəs nəyə görə Azərbaycan seçildi? Mən bu sualı özümə verdim. Avrasiyanın xəritəsinə baxaraq gördüm ki, ola bilsin, Azərbaycan onların görüşə biləcəyi yeganə məkandır. BizNATO-nun üzvü deyilik. Biz Kollektiv Təhlükəsizlik Müqaviləsi Təşkilatının üzvü deyilik. Biz güclü beynəlxalq nüfuza malik olan ölkəyik. Biz ABŞ, Avropa və qonşularımız, Rusiya ilə çox yaxşı münasibətləri olan, onların hörmət bəslədiyi ölkəyik. Buna görə də artıq nəinki təkcə bizim regionda, həm də daha geniş miqyasda Azərbaycanın sabitləşdirici amil kimi rolu artacaq”.
banner

Oxşar Xəbərlər