Prezident ağladı, komandasını çempionatdan çıxardı - Video
Çinin birinci divizionunda qalmaqal baş verib.
Kaspi.az xəbər verir ki, "Boadin İnli İtun” komandasının prezidenti
Men Yun Li komandasını çempionatdan çıxarıb. Onun komandası 16-cı turda "Uhan”ı qəbul
edib. Meydan sahibləri son dəqiqələrə qədər hesabda 2:1 öndə olublar.
Hakim qarşılaşmaya 7 dəqiqə əlavə edib və 4-cü uzatma dəqiqəsində
meydan sahiblərinin qapısına penalti təyin edib. Qonaqlar bu imkandan
yararlanıblar və qarşılaşma 2:2 hesabı ilə nəticələnib.
Oyundan sonra mətbuat konfransı keçirən klub prezidenti Men Yunli göz
yaşlarını saxlaya bilməyib və haqsızlığa etiraz əlaməti olaraq, çempionatı tərk
etdiklərini deyib:
"Biz ədalət və təmiz oyun lazımdı. Başa düşürük ki, artıq oyunun
nəticəsini dəyişmək olmaz. Ancaq biz bu məsələyə aydınlıq gətirilməsini
istəyirik.
Çində futbola belə münasibət göstəriləcəyi halda, biz oynaya
bilmərik. Mənim futbolçularımı kim müdafiə edəcək? "Boadin İnli İtun”a sadəcə,
tüpürdülər.
Biz gedirik, belə davam edə bilməz. Bundan sonra oynamağımız üçün heç
bir məntiq yoxdur”.