Pərvin Məmmədov Mançesterdə Dünya Kubokunun qalibi olub

Azərbaycan yığması Böyük Britaniyanın Mançester şəhərində parapauerliftinq üzrə keçirilən Dünya Kubokunda ilk mükafatını qazanıb.
Apasport.az saytının məlumatına görə, millimizin heyətində Pərvin Məmmədov çıxışını uğurla başa vurub.
49 kq çəkidə mübarizə aparan həmyerlimiz 146 kq göstərici ilə qızıl medal qazanıb. Bu qələbə idmançımızın Tokio-2020 Yay Paralimpiya Oyunlarına lisenziya qazanmaq şansını artırıb.