Paytaxtda itkin düşən 7 nəfər tapılaraq ailəsinə təhvil verilib

Paytaxtın polis orqanları tərəfindən keçirilən əməliyyat-axtarış tədbirləri nəticəsində ötən gün 24 cinayətin üstü açılıb.
Bakı Şəhər Baş Polis İdarəsindənAZƏRTAC-a bildiriblər ki, onlardan 3-ü əvvəlki dövrlərdən bağlı qalan cinayətlər olub.
Cinayətlərin 1-i soyğunçuluq, 3-ü xuliqanlıq, 2-si narkotiklərlə bağlıdır. Baş vermiş oğurluq hadisələri ilə əlaqədar keçirilmiş əməliyyat-axtarış tədbirləri nəticəsində 7 faktın üstü açılıb.
Cinayət Məcəlləsinin müxtəlif maddələri və borca görə axtarışda olduğuna görə ümumilikdə 40 nəfər saxlanılıb. İtkin düşmüş kimi axtarışı elan olunan yeddi nəfər tapılaraq ailəsinə təhvil verilib.