Parlament komitələri gələn həftə büdcə zərfini müzakirə edəcəklər

Azərbaycanın 2018-ci il üzrə dövlət büdcəsi layihəsinin Milli Məclisdə müzakirəsinin vaxtı məlum olub.

APA-nın məlumatına görə, noyabrın 7-də Milli Məclisin komitələrinin birgə iclasında 2018-ci il üzrə Azərbaycanın dövlət və icmal büdcəsinin layihələri müzakirəsinə başlanacaq. Müzakirələr iki gün davam edəcək.

Noyabrın 21-də isə büdcə zərfinin layihəsi hökumət nümayəndələri ilə birlikdə Milli Məclisin plenar iclasında müzakirəyə çıxarılacaq.