Bakı 23°C
Onu sakitləşdirmək üçün paltardəyişmə otağına gediblər
"Everton”un
futbolçuları "Tottenhem”lə qarşılaşmadan sonra rəqibin paltardəyişmə otağına
gediblər.
Kaspi.az xəbər
verir ki, "Everton”lular "Tottenhem”in futbolçusu Son Hın Mini sakitləşdirmək
üçün bu addımı atıblar. Son Hın Min qarşılaşmanın sonuna yaxın uğursuz sürüşmə
fəndi etdiyi üçün "Everton”un futbolçusu Andre Qomeşin ayağını sındırmışdı.
Koreyalı
futbolçu bundan çox təsirlənib. O, göz yaşlarını saxlaya bilməyib. Hətta
komanda yoldaşları da onu sakitləşdirə bilməyiblər.
"Everton”un
futbolçuları da durumu nəzərə alaraq paltardəyişmə otağına gedərək Sona təsəlli
veriblər. Qarşılaşma 1:1 hesabı ilə başa çatıb.
