Onu ÇL-in finalından sonra ağlamağa kim qoymayıb?
"Mançester Yunayted”in sabiq futbolçusu və kapitanı Rio Ferdinand
2008-ci ildə Moskvada keçirilən ÇL-in finalından sonra baş verənlər barədə
danışıb.
Kaspi.az xəbər verir ki, Ferdinand ağlamaq istədiyini, ancaq Vidiçin
sözlərindən sonra toparlandığını deyib. O, qarşılaşmadan sonra ser Bobbi
Çarltonun da onunla söhbət etdiyini vurğulayıb:
"Final fitindən sonra ser Bobbi Çarlton meydana endi və mənə klubun
tarixi, kapitanı kimi mükafatı almağın məsuliyyəti barədə danışdı. O, xeyli xoş
sözlər dedi. Bu zaman tribunada olan ailəmə gözüm sataşdı.
Bu, mənə təsir etdi. Ürəyim şiddətlə döyünməyə başladı. Doluxsundum.
Mənimlə yanaşı Nemanya Vidiç dayanmışdı. O, durumumu görüb, "Rio, burda yox”
dedi. Mən də cavabında "hə, Vidiç, bağışla” dedim və tribunaya tərəf
addımladıq”.
"Mançester Yunayted” 2008-ci ildə ÇL-in finalında dramatik oyundan
sonra "Çelsi”yə qalib gəlmişdi.