AZE | RUS | ENG |


Odessada Avropa-Asiya nəqliyyat dəhlizləri müzakirə olunub

Odessada Avropa-Asiya nəqliyyat dəhlizləri müzakirə olunub
Ukraynanın Odessa şəhərində "İnteqrasiya olunmuş Avropa-Asiya nəqliyyat dəhlizləri” adlı yüksək səviyyəli II beynəlxalq nəqliyyat konfransı keçirilib.
 
"Azərbaycan Dəmir Yolları” Qapalı Səhmdar Cəmiyyəti ictimaiyyətlə əlaqələr şöbəsindən Trend-ə verilən məlumata görə, konfransda Ukrayna, Rumıniya, Gürcüstan, Bolqarıstan, Litva, Polşa, Çin, Moldova, Qazaxıstan və Macarıstanın nazir və nazir müavinləri, şirkət rəhbərləri eləcə də GUAM, Qara Dəniz Əməkdaşlıq Təşkilatı, "Beynəlxalq Transxəzər Nəqliyyat Marşrutu” Assosiasiyası kimi beynəlxalq təşkilatların nümayəndə heyətləri iştirak ediblər.
 
Tədbirdə ölkəmizi "Azərbaycan Dəmir Yolları” QSC-nin sədri Cavid Qurbanov, Nəqliyyat, Rabitə və Yüksək Texnologiyalar nazirinin müavini Elmir Vəlizadə, " Azərbaycan Respublikası Dövlət Dəniz Administrasiyasının rəisi Qüdrət Qurbanov təmsil ediblər.
 
Konfrans iki sessiyadan ibarət olub. İlk sessiya Avropa-Asiya istiqamətində rəqabətədavamlı nəqliyyat üstünlüklərinin aşkar edilməsinə, ikinci sessiya isə həmin istiqamətdə yük axının artırılmasına həsr edilib.
 
Tədbirdə iştirakçı ölkələrin ərazisindən keçən nəqliyyat dəhlizlərinin rəqabətədavamlı üstünlüklərinin aşkar edilməsi, yüklərin hərəkətinə maneələr törədən amillərin aradan qaldırılması və ticari prosedurların sadələşdirilməsi, Avropa-Asiya istiqamətindəki yük daşımalarında ümumiləşdirilmiş texniki və texnoloji şəraitin yaradılması, intermodal nəqliyyat sistemlərinin inkişafı və Avropa-Asiya istiqamətindəki yük axınının effektiv logistik idaretməsi haqqında məsələlər müzakirə edilib.
 
Sonda tərəflər birgə bəyanatla çıxış ediblər.



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0043
GEL 1 Gürcü larisi 0.6298
GBP 1 İngilis funt sterlinqi 2.2523
TRY 1 Türk lirəsi 0.4327
KWD 1 Küveyt dinarı 5.6294
SEK 1 İsveç kronu 0.2003
EUR 1 Avro 1.9959
CHF 1 İsveçrə frankı 1.7121
USD 1 ABŞ dolları 1.7002