O, sonuncu mövsümünü keçirir
"Yuventus”un qapıçısı Canluici Bufon karyerasının sonuncu mövsümünü
keçirir.
Kaspi.az xəbər verir ki, Cici bu mövsümün sonunda böyük futboldakı
çıxışını başa vuracaq. Bu barədə qapıçı özü məlumat verib. Amma onu bu qərarını
dəyişməyə bir amil vadar edə bilər:
"Bu, mənim futbolda sonuncu mövsümümdü. Bu qərarımdan tamamilə
əminəm. Daha bir neçə il futbolda qalmaq mənim qazandıqlarıma o qədər də çox
şey əlavə etməyəcək.
Çox sakitəm və gələcəkdə məni nə gözlədiyi ilə bağlı heç bir
narahatlığım yoxdur. Fikrimi dəyişməyə isə yalnız bir amil səbəb ola bilər:
bizim Çempionlar Liqasını qazanmağımız. Belə olsa, onda mən klublararası dünya
çempionluğunu da qazanmaq üçün karyeramı davam etdirə bilərəm.
Karyeramı böyük qələbə ilə bitirmək istəyirəm. 11 il əvvəl dünya
çempionu olmuşam. Ancaq ÇL-in finalında 3 dəfə məğlubiyyət acısı yaşamışam”.
Buffon FİFA-nın versiyasına görə, ilin ən yaxşı qapıçısı seçilib.