O, İspaniyanı, yoxsa Fransanı seçəcək?
"Real”ın futbolçusu Teo Ernandesin hansı yığma komandanın şərəfini
qoruyacağı maraq doğurur.
Kaspi.az xəbər verir ki, Ernandesin xidmətində Fransa və İspaniya
maraqlıdı. "Real”ın baş məşqçisi Zinəddin Zidan da bu məsələyə münasibət
bildirib:
"Teo Ernandesin Fransanı, yoxsa İspaniyanı seçəcəyini bilmirəm. Ancaq
hesab edirəm ki, o, hansısa bir yığmanın şərəfini qorumağa layiqdir.
Ancaq düzünü deyəcəyəm, onun seçimi barədə məlumatsızam. Bu barədə
heç nə bilmirəm”.
Bir müddət əvvəl mətbuatda məlumat yayılmışdı ki, Ernandes üstünlüyü
İspaniya yığmasına verəcək. O, Fransanın U-18 və U-19 yığmalarının şərəfini
qoruyub.