O, futboldan zövq alan 19 yaşlı uşaqdır - Mourinyo
"Mançester Yunayted”in baş məşqçisi Joze Mourinyo Avropa Liqasının
yarımfinalında "Selta” ilə keçirilən ilk oyundan (1:0) sonra fikirlərini
bildirib.
Kaspi.az xəbər verir ki, Mourinyo yetirmələrinin oyunundan razı
qaldığını deyib. Ancaq o, nəticədən narazı olduğunu gizlətməyib:
"Mən komandamın oyunundan çox razı qaldım. Ancaq nəticədən yox. Biz
ən azı 2, ya da 3 qol vurmalıydıq. Bunu bacarmadıq və nəticədə növbəti
mərhələyə kimin keçəcəyi sualı açıq qaldı.
Yaxşı oynadığımız üçün bütün suallara ilk oyunda aydınlıq gətirə
bilərdik. İndi isə "Old Trafford”da da bütün gücümüzü sərf etməliyik.
Reşford? O, futboldan zövq alan 19 yaşlı uşaqdır. Reşford öz üzərində
çox işləyir və şansını gözləyir. Bu gün o, öz şansından yararlandı”.