AZƏRBAYCANDA KORONAVIRUSLA BAĞLI XƏBƏRLƏR

Növbəti tanker Supsa limanından yola düşüb

Növbəti tanker Supsa limanından yola düşüb

İqtisadiyyat
03 Avqust 2020, 12:37 264
Belarus üçün nəzərdə tutulan Azərbaycan neftini daşıyan növbəti tanker avqustun 2-də Supsa limanından yola düşüb.
Bu barədə Trend-ə "Belneftexim” şirkətindən bildiriblər.
Məlumata əsasən, həmin tankerin Yujnı limanına avqustun 4-5-də çatması gözlənilir. Daha sonra neft Odessa-Brodı neft kəməri ilə Belarusda Mozır neft emalı zavoduna nəql olunacaq.
Qeyd edək ki, mart-aprel aylarında "SOCAR Trading” ümumilikdə 335 min ton həcmində dörd neft partiyasını Odessa limanı və Odessa-Brodı neft kəməri vasitəsilə Belarusa yola salmışdı. "Belneftexim”in məlumatlarına əsasən, SOCAR 2020-ci ildə Belarusa 1 milyon tona yaxın neft nəql edə bilər.