• cümə, 29 Mart, 17:15
  • Baku Bakı 14°C

Novak: "Qlobal qaz tələbatı 2022-ci ildə bərpa olacaq"

14.10.20 18:01 807
Novak: "Qlobal qaz tələbatı 2022-ci ildə bərpa olacaq"

Bu il qlobal qaz tələbatı 2,8-6% azalacaq, 2021-ci ildə isə dünya iqtisadiyyatının bərpası qaz sənayesinin zərərlərini ödəyə bilməyəcək.
"APA-Economics"in Rusiya mətbuatına istinadən verdiyi məlumata görə, bunu Rusiyanın Energetika naziri Aleksandr Novak deyib.
Nazir hesab edir ki, qaz enerji transformasiyasının ayrılmaz hissəsi olaraq qalacaq və qlobal enerji balansındakı payını 2050-ci ilədək 27%-ə çatdıracaq.
Bununla yanaşı, mayeləşdirilmiş təbii qazın (LNG) qlobal ticarəti 2020-ci ildə yalnız 3-3,5% artacaq, LNG istehsal müəssisələrinin istismara verilməsi sürəti isə yavaşlayacaq və bazarda LNG tədarükü azalacaq.
Novakın sözlərinə görə, tələbatın mümkün canlanması və yeni layihələrin başlanması fonunda 2021-ci ildə LNG satışlarının 7-7,5% artacağı istisna deyil. Gələcəkdə yeni xammal idxalçılarının meydana gəlməsi səbəbindən artım 3,5-5,5%-dək sürətlənə bilər ki, bu da 2025-ci ilədək qlobal qaz istehlakının artırılmasına kömək edəcək.
Qeyd edək ki, Beynəlxalq Enerji Agentliyinin proqnozlarına görtə, 2020-ci ildə qlobal qaz tələbatı 4% azalacaq (150 mlrd. kubmetr).
banner

Oxşar Xəbərlər