Neymar rəhbərliyi və həkimləri ittiham etdi
PSJ-nin
futbolçusu Neymar Çempionlar Liqasının 1/8 finalında "Borussiya” ilə keçirilən
oyundan sonra açıqlama verib.
Kaspi.az xəbər
verir ki, Neymar 4 oyun meydanda olmadıqdan sonra oynamağın çətin olduğunu
deyib. O, klub rəhbərliyini və həkimləri tənqid edib:
"4 oyun dalbadal
oynamadıqdan sonra hər şey çətin olur. Ancaq bu mənim seçimim deyildi.
Bu, klub rəhbərliyinin
və həkimlərin qərarı idi. Biz bu barədə çox danışdıq və bu da mənim xoşuma gəlmədi.
Mən oynamaq istəyirdim,
özümü yaxşı hiss edirdim. Amma klubdakılar qorxdular və bu da mənə təsir etdi”.
PSJ
"Borussiya”ya 1:2 hesabı ilə məğlub olub. Paris klubunun qolunu Neymar vurub.
Bu komandalar arasında cavab qarşılaşması martın 11-də Parisdə keçiriləcək.