• cümə axşamı, 28 mart, 14:21
  • Baku Bakı 16°C

Nazir azərbaycanlı dənizçinin nəşinin ölkəyə gətirilməsində göstərdikləri yardıma görə Türkiyəyə təşəkkür edib

27.01.21 14:45 466
Nazir azərbaycanlı dənizçinin nəşinin ölkəyə gətirilməsində göstərdikləri yardıma görə Türkiyəyə təşəkkür edib
Bu ilin 27 yanvar tarixində Azərbaycan Respublikası xarici işlər naziri Ceyhun Bayramovun Türkiyə Respublikasının xarici işlər naziri Mevlüt Çavuşoğlu ilə telefon danışığı olub.
Xarici İşlər Nazirliyinin Mətbuat xidməti idarəsindənAPA-ya verilən xəbərə görə, nazir Ceyhun Bayramov dəniz quldurlarının hücumuna məruz qalmış gəmi heyətinin öldürülmüş azərbaycanlı üzvünün nəşinin vətənə gətirildiyini qeyd edərək, bu müddət ərzində məsələnin xüsusi diqqətdə saxlanılması, əlaqələndirilmiş şəkildə müvafiq tədbirlərin həyata keçirilməsi və göstərdiyi yardıma görə qardaş Türkiyədən olan həmkarına təşəkkürünü bildirib.
Nazir, həmçinin gəmi heyətinin əsir götürülmüş 15 üzvünün taleyi ilə, həyata keçirilən xilasetmə tədbirləri ilə maraqlanıb və sözügedən Türkiyə vətəndaşlarının tezliklə ölkələrinə geri qayıtmalarını arzu edib.

banner

Oxşar Xəbərlər