Bakı 23°C
Nazir: "Azərbaycanla Pakistan üç istiqamətdə razılığa gəlib"
Bu gün Bakıda baş tutan Azərbaycan-Pakistan işgüzar görüşü çərçivəsində tərəflər 3 əsas sahə üzrə razılığa gəlib. "APA-Economics" xəbər verir ki, bunu Pakistanın ticarət naziri Xurram Dastgir Xan bildirib.
Onun sözlərinə görə, tərəflər imtiyazlı şərtlər əsasında ticarətin aparılması ilə əlaqədar razılığa gəliblər: "Bu istiqamətdə işlərin aparılması üçün birgə işçi qrupu yaradılacaq. İşçi qrupu imtiyazlı şərtlərlə ticarət olunan məhsulların siyahısını tərtib edəcək".
Nazir əlavə edib ki, razılığa gəlinən əsas məsələlərdən biri də Pakistan-Azərbaycan birgə müəssisələrinin yaradılmasıdır. "Hesab edirəm ki, əczaçılıq, toxuculuq, kənd təsərrüfatı və energetika sahəsində fəaliyyət göstərən birgə müəssisələrin yaradılması üçün gözəl imkanlar mövcuddur", - deyə o bildirib.
Onun sözlərinə görə, razılığa gəlinən digər məsələ isə viza rejiminin sadələşdirilməsidir ki, bu da bir çox sahəyə müsbət təsir edəcək.
Onun sözlərinə görə, tərəflər imtiyazlı şərtlər əsasında ticarətin aparılması ilə əlaqədar razılığa gəliblər: "Bu istiqamətdə işlərin aparılması üçün birgə işçi qrupu yaradılacaq. İşçi qrupu imtiyazlı şərtlərlə ticarət olunan məhsulların siyahısını tərtib edəcək".
Nazir əlavə edib ki, razılığa gəlinən əsas məsələlərdən biri də Pakistan-Azərbaycan birgə müəssisələrinin yaradılmasıdır. "Hesab edirəm ki, əczaçılıq, toxuculuq, kənd təsərrüfatı və energetika sahəsində fəaliyyət göstərən birgə müəssisələrin yaradılması üçün gözəl imkanlar mövcuddur", - deyə o bildirib.
Onun sözlərinə görə, razılığa gəlinən digər məsələ isə viza rejiminin sadələşdirilməsidir ki, bu da bir çox sahəyə müsbət təsir edəcək.
