“MY haqq etdiyi əzabı alır”
"Mançester
Yunayted”ins sabiq futbolçusu, hazırda televiziyada ekspert kimi çalışan Qari
Nevill komandanın hazırkı durumu ilə bağlı danışıb.
Kaspi.az xəbər
verir ki, Nevill klub rəhbərliyinin heyətə yeni futbolçular cəlb etməli
olduğunu bildirib. O, komandanın uğursuz çıxışına görə direktorlar şurasının məsuliyyət
daşıdığını vurğulayıb:
"MY evdən kənarda
keçirilən oyunlarda qələbə ruhuna sahib olmur. Onlar imkan verirlər ki, oyun
sakit ritmdə getsin.
Komandanın
daxilində durum yaxşı deyil. Geriyə addım atılıb. Bu komandaya 5-6 yeni
futbolçu lazımdır. Buna görə də xeyli vəsait xərcləmək lazımdır.
Hər şeyə görə
direktorlar şurası cavabdehlik daşıyır. Pis heyət seçimin, pis məşqçilər
korpusuna, sonra da onların qovulmasına görə. MY haqq etdiyi əzabı alır”.
"Mançester
Yunayted” 9 xal toplayaraq turnir cədvəlinin 12-ci pilləsində qərarlaşıb.