Milli Qəhrəmanın doğum günü ilə bağlı anım tədbiri keçirilib
Azərbaycan Texniki Universitetində (AzTU) Milli Qəhrəman, Şəhid
Çingiz Qurbanovun doğum günü ilə bağlı anım tədbiri keçirilib.
Universitet rəhbərliyi, müəllimlər, tələbələr və AzTU-nun məzunu
olmuş Şəhid Elşad Əliyevin anası Flora Əliyeva əvvəlcə Çingiz Qurbanovun təhsil
aldığı "Xüsusi texnika və texnologiya” fakültəsində Milli Qəhrəmanın xatirəsinə
ehtiram olaraq yaradılan foto-stentlə tanış olublar.
Daha sonra tədbir AzTU-nun Milli Qəhrəmanlar və Şəhidlər Muzeyində
davam etdirilib.
Çingiz Qurbanovun tələbəlik illərini yada salan müəllimlər, onun vətənpərvər,
ictimai aktiv gənc olduğunu vurğulayıblar.
Qeyd edək ki, Ç. Qurbanov 2016-cı ildə AzTU-nun "Xüsusi texnika və
texnologiya” fakültəsini bitirib. Elə həmin il hərbi xidmətə başlayan Ç.
Qurbanov Azərbaycan-Ermənistan Dövlət sərhəddində düşmənin kəşviyyat-təxribat
qrupunun qarşısını alarkən qəhrəmancasına həlak olub. Məkirli düşmən Şəhidin nəşini
verməkdən boyun qaçırsa da, Prezident, Ali Baş Komandan İlham Əliyevin gərgin səyi
nəticəsində Ç. Qurbanovun nəşi Azərbaycana gətirilib və ona ölümündən sonra
Milli Qəhrəman adı verilib.