Bakı 14°C
Millət vəkili: "Yenidən müharibə başlasa Ermənistanın mövcudluğu sual altına düşəcək" - VİDEO
"Dağlıq
Qarabağdakı qondarma rejimin tör-töküntüləri növbəti təxribata əl atıblar. Separatçıların
"parlamenti” erməni dili ilə yanaşı, rus dilinin də "dövlət dili” elan edilməsi
barədə "qərar” qəbul ediblər. Belə bir addımın atılması ilk növbədə ötən il
noyabrın 10-da Rusiya, Azərbaycan prezidentlərinin, Ermənistan baş nazirinin
imzaladığı Birgə Bəyanatın, eyni zamanda cari ilin 11 yanvar tarixində
imzalanmış növbəti Üçtərəfli Bəyanatın rhuna daban-dabana ziddir”.
Kaspi.az
xəbər verir ki, bu barədə saytımıza açıqlamasında millət vəkili, politoloq
Elman Nəsirov bildirib.
O
qeyd edib ki, separatçıların bu addımı regiona yenidən gərginlik gətirmək, bölgədə
qarşıdurma mühiti formalaşdırmaq, indiyə qədər əldə edilmiş razılaşmaların üzərindən
xətt çəkmək, əməkdaşlıq mühitini dağıtmaq məqsədi daşıyır:"Separatçıların
belə bir addım atması ilk növbədə ermənilərin revanşist hiss və duyğuları ilə
bağlıdır. Onlar heç bir halda barışmaq istəmirlər ki, Müzəffər Ali Baş Komandan,
Prezident İlham Əliyevin rəhbərliyi altında Azərbaycan Silahlı Qüvvələri tarixi
Qələbəyə imza atıb, Ermənistanı diz çökdürüb, bu ölkə rəhbərliyini
kapitulyasiya aktına imza atmağa məcbur edib. Onlar bununla barışmaq istəmirlər.
Ermənistandakılar, o cümlədən Qarabağdakı separatçılar Azərbaycan Prezidentinin
sərt və prinsipial mövqeyini unutmamalıdırlar. Biz Vətən Müharibəsində qalib gəlmişik
və bundan sonra əməkdaşlıq mühitinin formalaşmasında maraqlıyıq. Azərbaycan hətta
altıtərəfli əməkdaşlıq formatı təşəbbüsünü irəli sürüb. Əgər separatçılar "bəlkə
də qaytardılar..” xülyası ilə yaşayırlarsa, "Dəmir Yumruq” hərbi əməliyyatını
unutmamalıdırlar. Separatçılar yenidən müharibəyə başlayarlarsa, o zaman Ermənistanın
özünün mövcudluğu sual altına düşə bilər. İndiki zamanda Qarabağdakı separatçıların
bu davranışı Rusiya tərəfindən də ciddi qınaq obyektinə çevrilməlidir.
Rusiyanın müvafiq qurumları, rəsmi Moskva bu məsələ ilə bağlı konkret mövqe
ortaya qoymalıdır. Separatçıların rus dilini "dövlət dili” elan etməsi hansı
uzağa gedən niyyətin ortada olduğunu göstərir. Gözləyirik ki, Azərbaycanın
strateji tərəfdaşı olan Rusiya, bu dövlətin ali-siyasi rəhbərliyi bu məsələ ilə
əlaqədar konkret mövqe ortaya qoyacaq, erməni separatçılarının Qarabağdakı
tör-töküntülərinin əməllərinə dair hüquqi-siyasi addımlar atılacaq”.
Alpər
TURAN
