Messi Maradonanın zənglərinə cavab vermir
Argentina futbolunun əfsanəsi Dieqo Maradona Lionel Messinin
cəzalanmasına münasibət bildirib. Kaspi.az xəbər verir ki, Maradona Messinin
cəzasının ağır olduğunu deyib. O, məsələ barədə FİFA prezidenti ilə söhbət
edəcəyini də vurğulayıb: "Messiyə verilən cəza çox ağırdır. Boliviya ilə oyunda
onun olmaması məğlubiyyətin əsas faktorlarından biridir. Mənə həm də o təsir
edir ki, Messinin cəzalanmasında Maradonanı günahkar bilirlər. Mənim heç nədən
xəbərim yoxdur. FİFA prezidenti İnfantino ilə danışacağam. Çünki bu, dəhşətli
qərardır.
Mən bir neçə dəfə Leoya zəng etdim ki, məsələni müzakirə edək. Ancaq
cavab almadım. Messi heç nədən şikayətlənməyən əla oğlandır”.
Messi Çili ilə oyunda hakimləri təhqir etdiyi üçün 4 oyunluq
cəzalanıb. Mətbuatda yayılan məlumatlarda bildirilir ki, Messinin cəzalanmasını
Maradona tələb edib.