Messi Abidala: Ad çək
"Barselona”nın
idman direktoru Erik Abidalın fikirlərinə Lionel Messi etiraz edib.
Kaspi.az xəbər
verir ki, Abidal mətbuata verdiyi açıqlamada bildirmişdi ki, "Barsa”nın
futbolçuları komandanın sabiq baş məşqçisi Ernesto Valverdedən narazı idilər.
Messi "instaqramda” yazdığı statusda Abidaldan ad çəkməyi tələb edib:
"Əgər detallı
danışırsınızsa, onda ad çəkin. Əks halda, siz bütün futbolçuları şübhə altına
alırsınız.
Düzünü desəm,
belə şeylər haqda danışmağı sevmirəm. Amma hər kəs dediklərinin məsuliyyətini
hiss etməlidir.
Futbolçular
meydanda yaşananlara görə məsuliyyət daşıyırlar. Amma idman məsələləri ilə
bağlı qərar verənlər də hansı məsuliyyəti daşıdıqlarının fərqində
olmalıdırlar”.