Məşhur futbolçuya təklif - Müğənnilərin kapitanı ol
İtaliya yığmasının sabiq futbolçusu Antonio Kassano maraqlı təklif
alıb.
Kaspia.az xəbər verir ki, Kassanoya müğənnilərin yığmasında kapitan
postu təklif olunub. Təklif isə məşhur italyan müğənni Canni Morandidən gəlib:
"Əziz Kassano! Sənin böyük talantın heç vaxt heç kimdə şübhə
yaratmayıb. Hətta elələri var ki, sənin talantının heç kimlə müqayisə
olunmadığını deyir.
Sən karyeranı bitirdiyini bildiribsən. Buna təəssüflənirəm. Ancaq
məndə yeni ideya var. Bilirəm ki, musiqi sənin xoşuna gəlir. Elə isə biz birgə
mahnı niyə yazmayaq?
Onda sən İtaliya müğənnilərinin yığma komandasının kapitanı da
olarsan. Belə olan təqdirdə, 70 yaşına qədər futbol oynaya bilərsən”.
35 yaşlı Kassano "Verona”da ayrılaraq, karyerasını bitirdiyini
bildirib. Onun məşqlərdə fiziki yükə dözməyərək belə qərar qəbul etdiyi
deyilir.