Məşhur futbolçunun İranda başına gələnlər
Məşhur rusiyalı futbolçu Dmitri Sıçev futbolçu karyerasında başına
gələn maraqlı hadisələr barədə danışıb.
Kaspi.az xəbər verir ki, Sıçev İran klubundan da təklif alıb. O, bu
ölkədə başına gələn qəribə hadisə barədə danışıb və İranda yaşamağın çətin
olduğunu bildirib:
"İranda futbolla bağlı məsələ sivildir. Amma həyat dini baxımdan
dözülməzdi. Yerli qanunlar insanın psixikasına təsir edir. Buna o ölkəyə gedən
kimi əmin oldum.
Təyyarə aeroporta enən kimi bütün qadınlar uzun, qapalı paltarlar
geyinməyə, başlarını bağlamağa başladılar. Mən isə bricdə idim.
Agentim iranlı olsa da, bu barədə mənə məlumat verməmişdi. Fikirləşdim
ki, belə ölkədə nəinki qadınlara, heç kişilərə də şortikdə gəzməyə icazə
verməzlər. Hiss etdim ki, İran nə Ərəb Əmirlikləridir, nə də Mərakeş.
Yoxlamadan keçərkən gömrük əməkdaşı qarşımı kəsdi və bir neçə dəfə
ingilis dilində "rədd ol öz ölkənə, bizim ölkəyə belə daxil ola bilməzsən”
dedi.
Həyəcanlandım, çantamı açıb, ordan idman formalarımı çıxartdım,
onları başa salmağa çalışdım ki, futbolçuyam, İran klubunda oynamaq üçün
gəlmişəm. "Şalvar” geyin dedilər. Getraları çıxarıb dizimə qədər dartdım, ondan
sonra ölkəyə daxil olmağıma icazə verdilər.
İranda mənə 2 illik müqavilə və ayda 15 min dollar məvacib vəd
etdilər. Ancaq məsələ pulda deyildi. O ölkədə yaşaya bilməzdim, sadəcə,
qaçdım”.