Məşhur futbolçu qubernator olmaq istəyir
Braziliya yığmasının sabiq futbolçusu Romario qubernator olmaq
niyyətindədir.
Kaspi.az xəbər verir ki, Romario 2018-ci ildə Rio-de-Janeyroda
keçiriləcək seçkilər zamanı namizədliyini irəli sürmək istəyir. Bu barədə o,
özü məlumat verib:
"Gələn il Rio-de-Janeyroda qubernator seçkiləri keçiriləcək. Bu
seçkilərdə namizədliyimi irəli sürmək istəyirəm. Partiyadaşlarımla görüş
keçiriləcək, bu məsələni müzakirə edəcəyik. Çalışacağam ki, mənim namizədliyimi
irəli sürsünlər”.
1994-cü ilin dünya çempionu "Podemos” partiyasının üzvüdür və
Braziliya senatında təmsil olunur.
Romario karyerasını 2009-cu ildə bitirib.