Bakı 24°C
Məqsədyönlü siyasətin real təntənəsi
"Bu gün ölkəmizin
beynəlxalq aləmdə yüksək nüfuza malik olması hər bir Azərbaycan vətəndaşının
qürur və iftixarına çevrilib. Müasir dünyanın əsas liderlərindən biri kimi Azərbaycan
Prezidenti İlham Əliyevin mötəbər tribunalardan səsləndirdiyi fikirlər, bəyanatlar,
çağırışlar dünya birliyi tərəfindən ehtiramla qəbul olunur”.
Bu barədəmillət vəkili Naqif Həmzəyev "Kaspi” qəzetinə açıqlamasında bildirib.
O qeyd edib
ki, müstəqil Azərbaycan bütün dünyanın gözü qarşısında
sabit, dinamik və sülhsevər dövlət kimi inkişaf edir, qətiyyətlə parlaq gələcəyə
doğru addımlayır. Deputat vurğulayıb ki, Prezident İlham Əliyevin
dövlət başçısı kimi apardığı məqsədyönlü siyasətin real təntənəsi bütün sahələrdə
hiss edilir: "Bu günlərdə Prezident
İlham Əliyevin Rusiya Prezidenti Vladimir Putinin dəvəti ilə Rusiyanın
Soçi şəhərində keçirilmiş "Valday” Beynəlxalq Diskussiya Klubunun XVI
illik iclasında iştirakı, həmin iclasın plenar sessiyasındakı çıxışı, qətiyyətlə
səsləndirdiyi bəyanatlar ölkəmizin beynəlxalq nüfuzunun daha da möhkəmləndirilməsi
istiqamətində atılmış mühüm siyasi hadisə kimi tarixə yazıldı. Prezident İlham Əliyev
fürsətindən istifadə edərək Azərbaycanda əldə edilən nailiyyətləri və
qarşılıqlı əməkdaşlıq istiqamətindəki prosesləri diqqət mərkəzinə çəkməklə
yanaşı, ölkə reallıqlarını beynəlxalq ictimaiyyətə çatdırdı. "Valday”
Beynəlxalq Diskussiya Klubu kimi mötəbər forumun tribunasından Prezident İlham Əliyev
tərəfindən səsləndirilmiş sərrast bəyanat Ermənistanın Baş naziri Nikol
Paşinyanın Dağlıq Qarabağa səfəri zamanı "Qarabağ Ermənistanındır, nöqtə”
şəklində ifadə olunmuş sərsəm fikrinə beynəlxalq ictimaiyyət qarşısında
obyektiv siyasi və diplomatik cavab oldu. Real gerçəkliyin ifadəsi olan
"Qarabağ Azərbaycandır və nida işarəsi!” bəyanatı Prezident İlham Əliyevin
müdrikliyini, hazırcavablığını bir daha təsdiq etdi”.
Deputat
deyib ki, Prezident İlham Əliyev oktyabrın 15-də Bakıda keçirilən Türkdilli Dövlətlərin
Əməkdaşlıq Şurasının VII Zirvə Görüşündə vaxtilə
Zəngəzur bölgəsinin Azərbaycandan alınıb Ermənistana birləşdirilməsinə də diqqət
çəkib: "Prezident
bildirdi ki, Türk Şurasının VII Zirvə Görüşü Naxçıvan Sazişinin imzalanmasının onuncu
ildönümünə təsadüf edir. 2009-cu ilin oktyabrında dövlət başçılarının Azərbaycanın
qədim şəhəri Naxçıvanda keçirilmiş Zirvə Görüşündə ölkələrimiz arasında əməkdaşlığın
təsisatlanmış yeni formatı yaradıldı. Azərbaycanın əsas hissəsi ilə Naxçıvan
bölgəsi arasında Zəngəzur yerləşir. Vaxtilə Zəngəzur bölgəsinin Azərbaycandan
alınıb Ermənistana birləşdirilməsi böyük türk dünyasını coğrafi baxımdan parçaladı.
Ancaq Naxçıvanda qəbul etdiyimiz qərarlarla və birgə işimizlə biz türk
dünyasının birliyini daha da gücləndirdik və qardaşlığımızı davam etdiririk. Bu
mənada Türk Şurasının yaradılmasına dair qərarın məhz Naxçıvanda keçirilmiş
Zirvə Görüşündə qəbul edilməsi türk dünyası üçün böyük rəmzi əhəmiyyətə də
malikdir. Regionun bugünkü reallıqlarını müzakirə etmək üçün Türkdilli Dövlətlərin
rəhbərlərinin bir araya gəldiyi mötəbər beynəlxalq tədbirin tribunasından bu
fikirlərin səsləndirilməsi Azərbaycanın prinsipial
mövqeyindən bir addım da geri çəkilməyəcəyinə, öz ərazi bütövlüyünü bərpa etmək
əzmində və gücündə olduğuna daha bir mesaj oldu”.
