“Mənim sevdiyim o futbol artıq yoxdur”
"Real”ın sabiq futbolçusu Migel Miçel müasir futbol barədə
düşüncələrini bölüşüb.
Kaspi.az xəbər verir ki, hazırda "Malaqa”nı çalışdıran Miçel onun
sevdiyi futbolun indi olmadığını bildirib. O, müasir futbolun biznesə
çevrildiyini vurğulayıb:
"Bəli, mən həmişə təmiz futbol uğrunda mübarizə aparmışam. Lakin
artıq başa düşmüşəm ki, bu oyuna öz baxışın olmalıdır. Axı mənim sevdiyim o futbol
artıq yoxdur.
Mən futbolçularıma heç vaxt aşılaya bilmədim ki, köhnə vaxtlarda təmizlik
futbola xas xüsusiyyət idi. Çünki indi hər şey xeyli dəyişib və onlar bunu
təsəvvür belə edə bilmirlər. Bu gün idmanın bu növü daha çox biznesi
xatırladır, nəinki futbolu”.