Məni separatçı sayırlar? - Bu, sizi niyə narahat edir?
İspaniya ilə Kolumbiya yığmaları arasında keçirilən yoldaşlıq
görüşündə (2:2) azarkeşlər Jerard Pikeni fitə basıblar.
Kaspi.az xəbər verir ki, Pike bu məsələyə münasibət bildirib. O,
separatçı olmadığını, İspaniya yığmasında oynamaqdan qürur duyduğunu deyib:
"Bu, sizi niyə narahat edir? Bu məsələyə niyə konsentrasiya
olmalıyıq? Niyə futboldan danışmamalıyıq? Siz bu məsələni o qədər vacib hesab
edirsiniz ki, artıq il yarımdı bu barədə soruşursunuz.
Siz hesab edirsiniz ki, məni separatçı sayırlar? Mən separatizm
barədə heç vaxt danışmamışam. Mən İspaniya yığmasında oynamaqdan qürur duyuram.
Hər oyunda da sübut etməyə çalışıram ki, bu komandanın kapitanı olmağa
layiqəm”.