Bakı 20°C
“Məhəbbət əfsanəsi” baleti Başqırdıstan Opera və Balet Teatrında nümayiş etdiriləcək
Oktyabrın 21-də Rusiya Federasiyası Başqırdıstan Dövlət Opera və Balet Teatrında görkəmli bəstəkar, Azərbaycanın və SSRİ-nin Xalq Artisti Arif Məlikovun "Məhəbbət əfsanəsi” baleti nümayiş olunacaq.
AZƏRTACteatrın saytına istinadla xəbər verir ki, səhnə əsərinin quruluşçu dirijoru Başqırdıstanın Əməkdar İncəsənət Xadimi German Kimdir. Ətraflı məlumatı http://www.bashopera.ru/repertoire/ballet/4762/ linkindən öyrənmək olar.
"Məhəbbət əfsanəsi” baletinin dünya premyerası 1961-ci il martın 23-də Leninqrad Opera və Balet Teatrında (indiki Sankt-Peterburq Dövlət Akademik Mariya Teatrı) reallaşıb. Səhnə əsərinin musiqisi, parlaq xoreoqrafiyası onu balet sənətinin daim arzulanan repertuar əsərlərindən birinə çevirib. Əsərin uğurlu olmasının sirri burada hadisələrin yeni quruluşda cərəyan etməsində, baletin yeni dramaturgiyasındadır.
