Bakı 23°C
Mayis Əliyev: “Onlar əhali arasında çaşqınlıq yaratmaq istəyirlər”
Professor: "Hüquq-mühafizə orqanları tez bir
zamanda Rəşad Məmmədov və onun himayadarlarını ifşa etməklə layiqli cəzasını
verməlidir”
"Yalan ayaq tutar, yeriməz. Çoxlarımızın işlədiyi
bir paylaşımın "müəllifi” tezliklə ifşa olundu. Ağlayaraq insanlar arasında təlaş
və vahimə yaratmağa çalışan Rəşad Məmmədov istəyinə çata bilmədi. O, Almaniyadan
Azərbaycana "göz yaşı” axıdaraq yalan informasiyaları yaymaqla əhali arasında
çaşqınlıq yaratmağa, təxribata rəvac verməyə çalışıb”.
Bu barədə "Kaspi” qəzetinə açıqlamasında "Sosial
hüquqların Araşdırılması” İctimai Birliyinin sədri, professor Mayis Əliyevbildirib.
Qeyd edib ki, Avropada erməni lobbisinin "siyasi
mühacir” adı altında yaşayan azərbaycanlıları ələ almağa çalışması ilə bağlı
zaman-zaman yayılan informasiyalar təsdiqlənib: "Bu səbəbdən Rəşad Məmmədovun məlum
videosunun düşmənin informasiya təxribatı olması ehtimalı önə çıxır. Rəşad Məmmədovun
Azərbaycan xalqına, Azərbaycan Ordusuna etdiyi bu xəyanətkar hərəkətlərin
arxasında sözsüz ki, müəyyən qüvvələr durur. Respublikamızın hüquq-mühafizə
orqanları tez bir zamanda Rəşad Məmmədov və onun himayadarlarını ifşa etməli,
onun layiqli cəzasını verməlidirlər. Ölkə başçısı, Cənab İlam Əliyevin rəhbərliyi
ilə həyata keçirilən uğurlu daxili və xarici siyasətdə, o cümlədən müstəqilliyin,
dövlətçiliyin, milli təhlükəsizliyin və iqtisadi mənafelərin etibarlı qorunması
işində ölkənin hüquq mühafizə orqanlarının xidmətləri danılmazdır. İnanırıq ki,
tezliklə ölkəmizdəki sabitliyin, dövlət təhlükəsizliyinin, ictimai qayda və
asayişin pozulmasına əngəl törətmək istəyənlər öz layiqli cəzalarını alacaqlar”.
Alpər TURAN
