Bakı 14°C
Manat lirə və lariyə qarşı bahalaşıb
Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
AMB-dən "APA-Economics"ə verilən məlumata görə, ABŞ-ın milli valyutası olan dolların məzənnəsi dekabrın 1-i ilə müqayisədə 0,12% artaraq 1,7339 manat təşkil edib.
Avro isə manata nisbətən bahalaşıb. Avrozonanın vahid valyutası 0,85% möhkəmlənərək 1,8516 manat olub.
Əsas ticarət tərəfdaşlarımızdan biri olan Rusiyanın milli valyutası rubl 0,74% bahalaşaraq 0,0272 manata çatıb.
Türkiyə lirəsinin məzənnəsi 1,61% zəifləyərək 0,4957 manat təşkil edib.
Rəsmi məzənnəyə əsasən, 1 ingilis funt sterlinqi 2,1859 manatdır. Beləliklə, funt sterlinq 0,8%-lik artım nümayiş etdirib.
Gürcüstan larisinin məzənnəsi isə 0,27% ucuzlaşaraq 0,6760 manat olub.
