Konfederasiyalar Kubokunun ən yaxşıları
Rusiyada keçirilən Konfederasiyalar Kuboku Almaniyanın qələbəsilə
yekunlaşdı.
Kaspi.az xəbər verir ki, final oyunundan sonra turnirin ən yaxşı
futbolçuları da mükafatlandırılıb. Turnirin ən yaxşı futbolçusu Almaniya
yığmasının kapitanı Yulian Draksler hesab edilib.
Turnirin "Qızıl buts” mükafatını da almaniyalı Timo Verner qazanıb.
21 yaşlı futbolçu 3 qol vurub. Onunla bərabər, daha 2 futbolçu turnirdə 3 dəfə
fərqlənib. Ancaq Timo 2 qol ötürməsi də etdiyi üçün mükafat ona verilib.
"Qızıl əlcək” mükafatını isə Çili yığmasının qapıçısı Klaudio Bravo
qazanıb. O, Portuqaliya ilə yarımfinal qarşılaşmasında 3 penaltini qaytarmışdı.
Finalda Çiliyə 1:0 hesabı ilə qalib gələn Almaniya tarixində ilk dəfə
Konfederasiyalar Kubokuna sahib çıxıb.