Kiçik və orta sahibkarlar üçün seminarlar keçirilib
Azərbaycan
Respublikasının Prezidenti yanında Qeyri Hökumət Təşkilatlarına Dövlət Dəstəyi
Şurasının maliyyə dəstəyi və "Sosial Strateji Tədqiqatlar və Analitik
Araşdırmalar” İctimai Birliyini tərəfində həyata keçirilən "Cəbhəyanı
bölgələrdə kiçik və orta sahibkarlığın inkişafı ilə bağlı maarifləndirici
tədbirlərin həyata keçirilməsi” layihəsi çərçivəsində Ağdam və Füzuli rayonları
ərazisində fəaliyyət göstərən Kiçik və Orta Sahibkarlar üçün seminarlar
keçirilib.
Seminarlarda
kiçik və orta sahibkarların mövcud problemləri, maliyyə resurslarına çıxış
imkanları, vergi, lisenziyaların alınması, dövlət orqanları tərəfindən kiçik və
orta sahibkarların fəaliyyətinə müdaxilələr, Sahibkarlığa Kömək Milli Fondunun
kreditlərindən istifadə, ABAD Xidmət və bu xidmətə çıxış imkanları barədə
hərtərəfli məlumatlar verilib. Eyni zamanda bu istiqamətdə qəbul olunmuş
qərarlar, qanun və fərmanlar barədə təşkilatın ekspert qrupu tərəfindən
hazırlanmış təklif və tövsiyyələrdən ibarət siyasət sənədi iştirakçılara təqdim
olunub. Seminarların yekununda iştirakçılar tərəfindən verilmiş suallar
təşkilatın ekspertləri tərəfindən cavablandırılıb, irəli sürülən təkliflər
müzakirə olunub.
Seminarlarda
təşkilatın ekspertləri İlqar Hüseynli və Elşad İbişli iştirak edib.