Kaspi Təhsil Şirkəti Bilik Gününə hazırdır
Sabah Azərbaycanda yeni tədris ilinə start verilir.
Kaspi Təhsil Şirkəti 2020-2021-ci tədris ilinə hazırdır. KTŞ-yə daxil
olan liseylər sentyabrın 15-də I-IV siniflərin şagirdlərini qarşılayacaq. Şirkətin
Bakıxanov, Ağ şəhər və Beynəlxalq (İnternational School) liseyləri şagirdləri qəbul
etmək üçün hazırlıqlarını başa çatdırıb. Hazırlıqlar zamanı Ümumdünya Səhiyyə Təşkilatının
(ÜST) tövsiyələri, Nazirlər Kabineti yanında Operativ Qərərgahın qərarları, müəyyən
beynəlxalq təcrübə və Təhsil Nazirliyinin təlimatları nəzərə alınıb.
Liseyin infrasturukturu baxışdan keçrilib, sinif otaqları,
laboratoriyalar, kitabxana və digər yardımçı otaqlar şagirdləri qəbul etməyə
hazır vəziyyətə gətirilib.Belə ki, sinif otaqlarındakı partaların
quruluşu sosial məsafə qaydalarına tam uyğunlaşdırılb, məktəb binaları daxildən
və xaricdən bütünlüklə dezinfeksiya olunub, divarlardan maarifləndirici təlimatlar
asılıb. Elektron kaspi sistemi (e-kaspi) təkmilləşdirilib
və qabaqcıl video konfrans platforması ilə müqavilə imzalanaraq e-kaspiyə
inteqrasiya edilib. Yeni tədris ilindən liseylərhəm əyani,həm
də distant formada (Hibrid model) tədrisə başlayacaq.
Qeyd edək ki, 2020-2021-ci tədris
ilində ümumi təhsil müəssisələrində tədris və təlim-tərbiyə prosesi Nazirlər
Kabineti tərəfindən təsdiqlənmiş karantin rejimi dövründə təhsil müəssisələrində
tədris və təlim-tərbiyə prosesinin təşkilinin müvəqqəti qaydaları, həmçinin Təhsil
Nazirliyi tərəfindən təsdiq olunmuş tədris planları əsasında təşkil ediləcək.