Bakı 23°C
“Kaspi” qəzeti kollektivinin Azərbaycan Prezidenti, Ali Baş Komandan İlham Əliyevə təbrik məktubu!
Cənab Ali Baş Komandan!
Sizi böyük qürur və sevinc hissi ilə salamlayır və Ermənistan-Azərbaycan, Dağlıq Qarabağda uzunmüddətli münaqişəyə son qoyulması münasibətilə təbrik edirik!
Yaşasın xalqımızın birliyi!
Qarabağ Azərbaycandır!
Sizi böyük qürur və sevinc hissi ilə salamlayır və Ermənistan-Azərbaycan, Dağlıq Qarabağda uzunmüddətli münaqişəyə son qoyulması münasibətilə təbrik edirik!
İki gün öncə Azərbaycan xalqı Qarabağın incisi Şuşanın işğaldan azad
olunması Gününü böyük fəxarət və coşğu hissi ilə qarşıladı. Təkcə ölkəmizdə deyil,
dünyanın dörd tərəfində yaşayan soydaşlarımız
bu tarixi günü böyük ruh yüksəkliyi ilə bayram etdi.
Bu gün isə Siz xalqımıza
çoxdan gözlədiyimiz QƏLƏBƏ sevincini yaşatdınız. Zəfər müjdəniz
Azərbaycan xalqına uzun illərdən sonra sevinc göz yaşları bəxş elədi. Rusiya
Prezidenti Vladimir Putin və Ermənistanın Baş naziri Nikol Paşinyanla döyüş
əməliyyatlarının dayandırılması ilə bağlı imzaladığınız üçtərəfli bəyanat çoxillik qarşıdurmaya, qan
tökülməsinə son qoydu. Bu, Azərbaycan torpaqlarının işğaldan tam şəkildə azad
edilməsini şərtləndirməklə yanaşı, regionda yaşayan xalqların mənafeyi və
uzunmüddətli perspektiv naminə çox vacib sənəddir. Cənab Ali Baş Komandan! Bütün ölkə
əhalisi, dünyanın dörd bir yanında yaşayan həmvətənlərimiz bu tarixi hadisəni
bayram edir, bir-birini təbrik edir, fərəhli anlar yaşayırlar. Hər kəs bu
tarixi qələbəyə görə özünü qürurlu və xoşbəxt
sayır. Siz bu tarixi zəfərlə müzəffər Azərbaycan Ordusunun hansı gücə
qadir olduğunu, qəhrəman əsgər və zabitlərimizin rəşadətini, xalqın yenilməz
birliyini bütün dünyaya nümayiş etdirdiniz. Sizin diplomatik bacarığınız,
siyasi uzaqgörənliyiniz, geniş dünyagörüşünüz sayəsində qazanılan QƏLƏBƏ təkcə
Azərbaycan xalqının döyüşkən ruhunun təcəssümü olmadı, həm də milli hissiyyatın,
mənliyin, bütövlüyün nümayişi oldu.
Cənab Ali Baş Komandan!
Azərbaycana
rəhbərlik etdiyiniz illər ərzində müasir ordu quruculuğu sahəsində - həm
maddi-texniki təminatın, həm şəxsi heyətin peşəkarlığı istiqamətində həyata
keçirdiyiniz işlər öz bəhrəsini verdi. Sizin əks-hücum əmrinizlə düşmən
işğalında qalan Cəbrayıl, Füzuli,
Qubadlı, Zəngilan rayonları, Şuşa şəhəri, 300-yə yaxın kənd və qəsəbə qısa
müddətdə azad edildi. Azərbaycan xalqının illərdən bəri torpaqlarımızın azad
olunması ilə bağlı xəyalları gerçəkləşdi. Şəhidlərimizin qanı yerdə qalmadı!
Cənab Ali Baş Komandan!
Siz Qarabağı sahibinə - Azərbaycan xalqına
yenidən qaytarmaqla yeni tarix yazdınız. Bu, rəşadət və şücaətlə, qalibiyyət
səhifəsi ilə başlayan yeni tarixdir. Siz Azərbaycanın üçrəngli bayrağını
rəhbərliyiniz və qətiyyətiniz sayəsində işğaldan azad olunan torpaqlarımızda
dalğalandırmağa nail oldunuz. Bu milli dirçəlişi və böyük qalibiyyəti
Azərbaycan xalqına yaşatdığınıza görə, Sizə sonsuz minnətdarıq!
Biz hamımız əminik ki, Sizin qətiyyətiniz sayəsində tezliklə azad
olunan torpaqlarımızda yeni həyat canlanacaq, qaçqın və məcburi köçkünlər doğma
yurd-yuvalarına qayıdacaq. "Kaspi” qəzetinin kollektivi
olaraq Sizinlə qürur duyduğumuzu bildirir və bundan sonrakı quruculuq
işlərinizdə, islahatlarınızda Sizə uğurlar diləyirik!
Yaşasın Ali Baş Komandan!
Yaşasın müzəffər Azərbaycan
Ordusu!Yaşasın xalqımızın birliyi!
Qarabağ Azərbaycandır!
