“Kaspi”-nin əməkdaşı Kukla Teatrının mükafatına layiq görülüb
İyulun
16-da Abdulla Şaiq adına Azərbaycan Dövlət Kukla Teatrı 85-ci teatr mövsümünü
başa vurması münasibəti ilə tədbir keçirdi.
Mövsüm sonu üçün hazırlanan tədbirdə tamaşaçılara Abdulla Şaiqin "Tıq-tıq
xanım” nağılının motivləri əsasında "Tıq-tıq və Taq-taqın nağılı” tamaşası təqdim
olundu.
Tamaşa
yekunlaşdıqdan sonra iştirakçılara bayram ovqatı bəxş etmək üçün nəzərdə
tutulan təntənəli mərasim də baş tutdu. Tədbirdə teatrın direktoru, əməkdar mədəniyyət
işçisi, UNİMA Milli Mərkəzinin prezidenti Rəşad Əhmədzadə çıxış etdi.
Direktor
mövsüm ərzində teatrda səhnələşdirilən yeni tamaşalardan, beynəlxalq
festivallarda əldə edilən uğurlardan söz açdı.
Çıxışdan
sonra teatrın truppası və nəzdindəki "Oyuq” teatr studiyasının balaca
istedadlarının təqdimatında tamaşalardan hissələr, musiqi nömrələri və
ümumilikdə mövsümə nəzər xarakterli videoçarx nümayiş olundu.
Tədbirdə
teatrın mövsüm sonuna həsr olunan bayram tədbirində il ərzində Azərbaycan Dövlət
Kukla Teatrı ilə yaxından əməkdaşlıq edən, onun fəaliyyətini mütəmadi və ətraflı
şəkildə işıqlandırmağa yardımçı olan KİV nümayəndələri "Teatrın dostu” mükafatı
ilə təltif olundu.
Mükafat
Lider telekanalının əməkdaşı Elnur Niftəliyev, ARB əməkdaşları Zümrüd Qasımova,
Xəyalə Məmmədova, "Mədəniyyət” qəzetinin əməkdaşı Gülcahan Mirməhəmməd,
"Kaspi”nin əməkdaşı, tearşünas Xəyalə Məmmədova, jurnalist Ülviyyə Həsənqızı,
"Trend” İnformasiya agentliyinin əməkdaşı Vüqar İmanova təqdim olunub.
Həmçinin
teatrın bir sıra əməkdaşları da, o cümlədən teatrın musiqi hissə müdiri, əməkdar
artist Vüqar Camalzadə, Cəmilə Allahverdiyeva, Nuray Rəhman, Aylin Nəcəfli,
Mehriban Vəlizadə, Surin Vəlizadə, Selcan Müseyibova diplom və mükafatlara
layiq görülüb.
Əməkdar
artistlər Firuzə İbadova və Elza Seyidcahan da davamlı layihələrdə iştirak etdikləri
üçün mükafat və hədiyyələrə layiq görülüb.
Tədbirin
sonunda "Oyuq”çuların ifasında "Əlimdən tut” mahnısı təqdim olundu.