Kaspi Abituriyent hazırlığı kursları növbəti tədris ilinə necə hazırlaşır?
"Elmlər” filialının müdiri Rəsul Ağayev bu
istiqamətdə aparılan hazırlıqlardan danışıb
Kaspi Abituriyent hazırlığı
xidməti Kaspi Təhsil Şirkətinin ölkə vətəndaşlarına təqdim etdiyi təhsil
xidmətlərindən biridir. Bu xidmət özündə abituriyentlərinin buraxılış imtahanı
və ali təhsil müəssisələrinə qəbul imtahanına hazırlığı üzrə fəaliyyətləri ehtiva
edir. Hazırda bütün dünyada və ölkəmizdə yaşanan pandemiya şəraiti abituriyent
kurslarının fəaliyyətinə də təsirsiz ötüşməyib.Müsahibimiz Kaspi Təhsil Şirkətinin "Elmlər” filialının müdiri Rəsul
Ağayevdir.
-
Rəsul müəllim, Kaspi Abituriyent hazırlığı kursları pandemiya müddətində tədris
prosesinə, dəyişikliklərə necə adaptasiya oluna bildi?
- Mart ayından etibarən
yaşadığımız pandemiya şəraitinə gözlənilmədən, hazırlıqsız yaxalandığımıza
baxmayaraq, biz Kaspi Abituriyent hazırlığı kursları olaraq, çox çevik
davranaraq, tədris prosesinin kəsilməzliyinə nail olmaq üçün distant-online təhsilin
bütün mümkün imkanlardan vaxtında və uyğun şəkildə istifadə edə bildik. İstər
Kaspi liseylərində, istər Kaspi Abituriyent hazırlığı kurslarında valideyn və
şagirdlər üçün ünsiyyət-əlaqə qrupları və nəzarət komandaları yaradıldı, tədris
prosesi qaldığı yerdən davam etdirildi. İyunun 15-də Azərbaycan və rus bölmələrinin
5-8-ci sinif şagirdlərinin fənlər üzrə hazırlığı və 9-10-cu sinif şagirdlərinin
abituriyent hazırlığı üzrə fəaliyyətimiz uğurla yekunlaşdı. Hazırda 11-ci sinif
şagirdləri və ötən ilki məzunların qəbul imtahanına hazırlığı üzrə
fəaliyyətimiz davam edir. Dərslər DİM tərəfindən müəyyənləşdirilən imtahan
tarixlərinə qədər keçiriləcəkdir. Biz əvvəlki illərdə olduğu kimi, yenə də
bütün abituriyentlərimizə hazırlıq prosesinin sonuna qədər inzibati və müəllim
heyəti olaraq, daim dəstək verəcək və yardımçı olacağıq.
-
Distant-online təhsilə bağlı hansı işlər görə bilmisiniz?
- Bütün heyətimiz distant-online
təhsillə bağlı işlərin lazımi şəkildə icra olunması üçün əlindən gələni edib.
Bu günə qədər "Kaspi Online TV” və "Kaspi Distant” youtube kanallarında
müəllimlərimiz tərəfində çəkilən 10 000-dən çox videodərs ictimaiyyətin
istifadəsinə ödənişsiz olaraq verilib.Distant-online təhsilin
keyfiyyətinin ölçülməsi, şagirdlərin bilik və bacarıqlarının qiymətləndirilməsi
üçün hazırlanmış ayrıca vebsayt – kaspitest.com saytı istifadəyə verilib.
Burada öncə abituriyentlər qeydiyyatdan keçir və özlərinə şəxsi kabinet yaradır.
Sistemdə aktivləşmə olandan sonra imtahanda iştirak edirlər. Saytda Dövlət
İmtahan Mərkəzinin (DİM) standartlarına uyğun yeni tipli suallara seçimli,
yazılı və şəkil formatında cavab vermək mümkündür, imtahan müddətində
abituriyentlərin çətinlik çəkdiyi suallara daha sonra cavab verə bilmə imkanı
da var. Abituriyentin yazdığı cavablar daim gözü qabağında olur, yazı tələb
edən sualları meyarlarına uyğun qiymətləndirmək olur, nəticələr imtahan
bitdikdən sonra dərhal çıxır və abituriyent öz imtahan tarixçəsini görə bilir.Bu sistem DİM tərəfindən
istənilən formatda imtahan keçirilməsinə uyğunlaşdırıla bilər. İstənilən açıq
və ya qapalı tipli suallar, yazı və dinləmə tələb edən tapşırıqlar və s. bu
sistemdə asanlıqla yazıla bilir. Şagirdlərin bilik və bacarıqları istənilən
imtahan formatında asanlıqla ölçülür. Artıq iyunun 28-i tarixində Azərbaycan və
rus bölmələrinin 9-11-ci sinif şagirdləri və ötən ilki məzunlar üçün Fənn
Blokları üzrə Ümumi Sınaq imtahanı, iyulun 6-sı tarixində Azərbaycan və rus
bölmələrinin 2-8-ci sinif şagirdləri üçün orta məktəbdə keçdikləri başlıca
fənlər üzrə sınaq imtahanı və iyulun 16-sı tarixində isə Azərbaycan və rus
bölmələrinin 7-10-cu sinif şagirdləri üçün Kaspi Abituriyent hazırlığı
kurslarına qəbul imtahanı bu sayt üzərindən həyata keçirilib.Ümumilikdə kaspitest.com
platforması gələcəkdə şagirdlərin evdən rahatlıqla imtahana qoşulması,
nəticələrin dəqiq və tez bir zamanda müəyyən olunması, bilik və bacarıqlarla
bağlı səhih məlumat əldə etmələri baxımından olduqca əhəmiyyətlidir.
-
Kaspi Abituriyent hazırlığı kurslarında təhsil alan abituriyentlərin builki
nəticələri barədə nə deyə bilərsiniz?
- Bu il pandemiya ilə əlaqədar
buraxılış və qəbul imtahanların tarixləri DİM tərəfindən dəqiq elan olunmayıb
və Nazirlər Kabineti yanında Operativ Qərargahın qəbul etdiyi qərarlara uyğun
olaraq bir neçə dəfə təxirə salınıb. Lakin artıq iyulun ayının sonu üçün bütün
respublika ərazisində Buraxılış imtahanlarının keçirilməsi prosesi yekunlaşıb.Kaspi abituriyentləri də bu
imtahanlarda iştirak edib və yüksək nəticələr göstərib. Belə ki, 300 mümkün baldan
290 bal toplayan yetirməmiz var. Eləcə də 200 baldan yuxarı nəticəli
abituriyentlərimizin də sayı kifayət qədər çoxdur. Bu, olduqca yaxşı göstəricidir. Bu nəticələr
bir daha onu təsdiqləyir ki, bizim pandemiya dövründə tədris bağlı gördüyümüz
işlər və atdığımız addımlar doğru olub.Hələ ixtisas qrupları üzrə
qəbul imtahanları keçirilməyib. Ona görə də bizim abituriyent hazırlığımız bu
sahədə distant-online formada davam edir. Belə ki, qəbul imtahanlarına hazırlıq
prosesimiz imtahanlar keçirilənə qədər davam edəcəkdir. Müəllimlərimiz və
abituriyentlərimiz əzmlə çalışırlar. Abituriyentlərimizə zehin açıqlığı, səbir
və yüksək nəticələr arzulayırıq. Əminik ki, çəkilən zəhmət öz bəhrəsini mütləq
verəcəkdir.
-
Distant-online təhsil və ənənəvi - canlı təhsil arasında fərqli və oxşar
cəhətlərlə bağlı nələri qeyd edərdiniz?
- Əlbəttə ki, ənənəvi-canlı
təhsil özünü əsrlərdir ki, təsdiq edib və onun hər hansı bir digər forma ilə
tamamilə əvəz olunması əsla mümkün deyil. Digər forma və vasitələr sadəcə ənənəvi
təhsilə dəstək, onun məzmun və mahiyyətini zənginləşdirmək məqsədilə əlavə
oluna bilər. Canlı təhsil ilk növbədə insanın sosiallaşmasını, canlı ünsiyyəti,
sinifdə şagirdlərə real nəzarət etmə və biliyin real ölçmə-qiymətləndirmə
imkanını, təcrübə və biliyin tətbiqi şəraitini və s. kimi çox əhəmiyyətli
məsələləri özündə birləşdirir. Lakin cəmiyyətimizin və texnologiyanın inkişafı
təhsilin də yeni formalarının və üsullarının yaranmasına gətirib çıxarır.Distant-online təhsil
gələcəkdə vacib bir təhsil xidməti olacaq. Burada tədrisin asinxron şəkildə
(şagirdin müstəqil çalışması yolu ilə) və sinxron şəkildə (şagirdin müəllimlə
online dərs keçməsi şəkilində) həyata keçirilməsi nəzərdə tutulur.Distant-online təhsilin
həyata keçirilməsi üçün tədrisin bütün tərəflərini – davamiyyət, nizam-intizam,
dərs prosesi, müəllim və şagird fəaliyyətinə nəzarət, valideynlə əməkdaşlıq və
s. kimi vacib məqamlara, ümumilikdə tədris prosesinə ciddi nəzarət və
rəhbərliyi özündə birləşdirən Tədris Platformasının olması lazımdır. Bu gün bu
sahə ciddi boşluqlar var və hazırkı distant-online təhsil forması əslində
bununla bağlı ictimaiyyətdə çox yanlış təsəvvürlər yaradıb.Distant-online təhsilin
məzmunu və həyata keçirilməsi üsul və formaları ilə bağlı Kaspi Təhsil Şirkəti
mütəxəssisləri tərəfindən araşdırmalarımız davam edir. Bu sahə də mövcud olan
təcrübə və platformalar öyrənilir. Ölkəmiz üçün məqbul hesab etdiyimiz Milli
Platformamız üzərində işlər davam edir. Növbəti tədris ilində Kaspi Təhsil
Şirkəti valideyn və şagirdlərə öz yeni məzmununu təqdim edəcəkdir.
-
Rəsul müəllim, sizcə, növbəti tədris ilində dərslər hansı formada təşkil oluna
bilər?
- Əslində bu sualın cavabı
hamımız üçün çox vacibdir və hər bir ölkə vətəndaşı sentyabr ayında dərslərin
yenidən, əvvəlki qaydada başlamasını böyük ümidlə gözləyir. Burada əlbəttə ki,
Operativ Qərargahın və Təhsil Nazirliyinin qəbul etdiyi qərarlar həlledici
olacaq. Hazırda Operativ Qərargah tərəfindən həyata keçirilən tədbirlər
respublikada pandemiyanın yayılmasının qarşısını almağa, insanların virusa
yoluxma hallarının sayını azaltmağa yönəlib. Eyni zamanda Təhsil Nazirliyinin
müvafiq strukturları da növbəti tədris ili ilə bağlı hazırlıq işləri həyata
keçirirlər. İndiki şəraitdə hesab edirəm ki, təhsilin aşağıdakı formaları üzrə
modellər və qaydalar işlənib hazırlanmalıdır:
1) Ənənəvi-canlı
təhsil forması – cari pandemiya şəraitində, təhsilin bu forma üzrə davam
etdirilməsi üçün ilk növbədə ciddi prosedur qaydalar işlənib hazırlanmalıdır.
Çünki insanlarımızın sağlamlığını diqqət mərkəzində saxlamalıyıq. Bu qaydalara
təhsil müəssisələri, valideynlər və ºagirdlər çox ciddi ºəkildə riayət
etməlidirlər. Müəyyən olunmuº həmin qaydalar əsasında təhsil müəssisələrinin
fəaliyyəti tədricən əvvəlki axarına qayıdacaqdır.
2) Hibrid təhsil
forması – burada yenə də ənənəvi-canlı təhsil forması üstünlük təşkil edir.
Lakin distant-online təhsil resurslarından və İnformasiya Kommunikasiya Texnologiyalarının
(İKT) imkanlarından da istifadə olunur. Həmin imkanlara elektron tədris
materialları, video dərslər, online imtahanlar və s. kimi yardımçı - şagirdin
bilik və bacarıqla qazanmasına dəstək olan vasitələr aiddir.
3) Distant-online
təhsil forması – artıq tədrisin tam olaraq distant-online şəkildə təşkilini
nəzərdə tutur. Az öncə qeyd etdiyim kimi, bu formanın təşkili və tətbiqi ilə
bağlı tədris prosesinə ciddi nəzarət və rəhbərliyi özündə birləşdirən Tədris
Platformasının olması lazımdır.
Son iki təhsil formasının
həyata keçirilməsi zamanı istər təhsil müəssisəsi, istərsə də valideyn və
şagird baxımından texniki-texnoloji və internet təminatı olduqca vacib şərt
olacaq. Bununla bağlı, həm təhsil müəssisələrinin inzibati və pedaqoji heyəti,
həm də valideyn və şagirdlər öncədən məlumatlandırılmalı və müvafiq şəkildə
maarifləndirilməlidir.Onu da qeyd edim ki,
növbəti tədris ilində dərslərin ənənəvi-canlı və ya distant-online olaraq
keçilməsindən asılı olmayaraq, distant-online təhsil artıq Kaspi Təhsil Şirkətinin
ictimaiyyətə təqdim edəcəyi yeni bir məzmun olacaq. Bu, eyni zamanda
şagirdlərin ənənəvi-canlı formada aldıqları təhsilə də məzmun baxımından, bir
dəstək platforması kimi nəzərdən keçirilir.
-
Valideyn və şagirdlərə niyə Kaspi Abituriyent hazırlığı kurslarını seçmələri
ilə bağlı hansı vacib məqamları vurğulamaq istərdiniz?
- İlk növbədə onu qeyd
etmək istərdim ki, Kaspi Təhsil Şirkətinin təqdim etdiyi təhsil xidmətlərindən
biri olan Kaspi Abituriyent hazırlığı xidməti 2008-ci ildən etibarən fəaliyyət
göstərir. Bu isə o deməkdir ki, biz bu sahədə böyük bir təcrübə qazanmışıq. Bu
təcrübəmizi hər növbəti il daha da artırır və zənginləşdiririk.Kaspi Abituriyent hazırlığı
kurslarında tədris prosesinin bütün tərəflərini nəzarətdə saxlayan, müəllim-valideyn-şagird
əməkdaşlığını koordinasiya edən qayğıkeş işçi heyəti və abituriyent hazırlığı
sahəsində peşəkar müəllim heyəti, ümumilikdə bir komanda fəaliyyəti vardır ki,
məqsəd abituriyent nəticəsinə müsbət təsir göstərmək və inkişafına nail olmaqdır.Eləcə də dərslər effektiv tədris
proqramı üzrə ardıcıllıqla, sadədən mürəkkəbə doğru tədris olunur.
Abituriyentlərin bilik və bacarıqları mütəmadi olaraq sınaq imtahanları
vasitəsilə qiymətləndirilir və onların buraxılış və qəbul imtahanlarına
hazırlıq vəziyyətləri səhih şəkildə müəyyən olunur. Kaspi nəşrləri – test
topluları və dərs vəsaitləri biliyin abituriyentlər tərəfindən mənimsənilməsi
və möhkəmləndirilməsinə bir başa dəstək olur. Abituriyentlər üçün imtahana
psixoloji hazırlığı da özündə ehtiva edən hərtərəfli təkrarlama proqramı da
mövcuddur. Eləcə də bir sıra sosial fəaliyyətlər – bilik yarışları, turnirlər
və s. abituriyentlərin maraqlarına uyğun şəkildə həyata keçirilir.Tədris prosesinin vacib
iştirakçılarından olan valideynlərlə əməkdaşlığa, valideynlərin övladları
barədə, onların dərs fəaliyyəti, nəticələri və s. ilə bağlı vaxtında və ətraflı
məlumatlandırılmasına, abituriyentin nailiyyətlərinə müsbət təsir edəcək
qərarların birlikdə qəbul olunmasına, valideynlərə və abituriyentlərə psixoloji
dəstək verilməsinə fəaliyyətimizdə xüsusi diqqət yetiririk.Bütün bu görülən işlərin
məntiqi nəticəsi olaraq, Kaspi məzunlarının ali təhsil müəssisələrinə Qəbul
imtahanlarında yüksək ballar toplamasını qeyd etmək istərdim. Belə ki, indiyə
qədər 5000-dən çox məzunumuz ölkəmizin nüfuzlu universitetlərinə qəbul olunub,
2017-ci və 2018-ci illərdə iki dəfə 700 bal maksimum nəticə göstərilib, 2019-cu
ildə Kaspi məzunu Respublika 1-cisi olub, Prezident təqaüdçülərimiz var.Kaspi Abituriyent hazırlığı
kurslarına keçirilən qəbul imtahanlarında iştirak edərək, abituriyentlər
topladıqları ballara uyğun olaraq, müxtəlif güzəşt və endirimlərdən yararlana,
hətta ödənişsiz təhsil almaq imkanını da qazana bilərlər.
-
Rəsul müəllim, sonda Kaspi Abituriyent hazırlığı kurslarına qeydiyyatla bağlı
valideyn və abituriyentlərə nə deyərdiniz?
- İlk olaraq onu qeyd edim
ki, Kaspi Abituriyent hazırlığı kursları Bakı şəhərində Elmlər, Əhmədli,
Nərimanov, Xətai və Bayıl filiallarında, Sumqayıt və Gəncə şəhərlərindəki Kaspi
filiallarında və eləcə regionlardakı Kaspi nümayəndəliklərində mövcuddur. Kaspi
Abituriyent əsas fəaliyyət istiqamətlərinə daxildir:
- Kurslarımızda Azərbaycan və rus bölmələri üzrə
5-ci, 6-cı, 7-cı və 8-cı sinif şagirdlərinin 3 fənn üzrə - Azərbaycan (rus)
dili, riyaziyyat və xarici dil (İngilis dili) fənləri üzrə hazırlığı təşkil
olunur.
- Azərbaycan və rus bölmələri üzrə 9-cu, 10-cu, 11-ci
sinif şagirdlərinin və ötən ilki məzunların buraxılış imtahanlarına və ali
təhsil müəssisələrinə qəbul imtahanlarına hazırlığı prosesi təşkil olunur.
- Rus bölməsi abituriyentlərinin dövlət dili imtahanı
olaraq, Azərbaycan dili fənni üzrə hazırlığı həyata keçirilir.
- Eləcə də Müəllimlərin İşə Qəbulu (MİQ) və
Sertifikasiya imtahanlarına hazırlıq kursları da mövcuddur.
Hal-hazırda filiallarımız
online şəkildə fəaliyyət göstərir. Abituriyentlər kaspi.edu.az saytına daxil olub, Online qeydiyyatdan keçə bilər.
Lazımi məlumatları daxil etdikdən sonra, sizinlə əlaqə saxlanılacaqdır.Eyni zamanda,
filiallarımızın əlaqə nömrələrinə zəng vurub, valideynlər və abituriyentlər
onları maraqlandıran suallara ətraflı cavab ala biləcəklər.
Kamran