Karyerasında ilk qolu əllə vurdu - Maradonanın rəfiqəsi
Argentina futbolunun əfsanəsi Dieqo Mardonanın rəfiqəsi Rosio Oliva
karyerasında ilk qolunu vurub.
Kaspi.az xəbər verir ki, Argentinanın qadınlar arasında B seriyasında
çıxış edən "Eskursionistas” klubunun şərəfini qoruyan Rosio "Kamioneros”lə
oyunda fərqlənib. Ancaq rəqib komandanın məşqçilər heyəti və futbolçular onun
topu əli ilə qapıdan keçirdiyini iddia edirlər:
"O, topu aşkar şəkildə əli ilə qapıdan keçirdi. Bunu biz hamımız
gördük”.
Qarşılaşma "Eskursionistas”ın 3:0 hesablı qələbəsilə başa çatıb.
Maradona Oliva ilə 2013-cü ildən bir yerdədir.