Kafe və restoranların iş saatı uzadıldı
31 may 2020-ci il saat 00:00-dan xüsusi karantin
rejimi çərçivəsindəki məhdudiyyətlərin bir qisminin aradan qaldırılmasına qərar
verilib.
Kaspi.az xəbər verir ki, qərara əsasən, Bakı,
Sumqayıt, Gəncə, Lənkəran şəhərləri və Abşeron rayonu üzrə restoran, kafe, çay
evlərində, eləcə də bütün ictimai iaşə məkanlarında müştərilərə yerində xidmət
saat 08:00-dan 22:00-dək həyata keçirilir (ölkə üzrə bütün ictimai iaşə obyektlərində
qəlyan avadanlıqlarından istifadə və 10 nəfərdən artıq toplaşmaqla kütləvi şənliklər,
məclislərin təşkili istisna olmaqla).