AZE | RUS | ENG |


İtaliya-Azərbaycan əməkdaşlığı möhkəm zəmin üzərində qurulub

İtaliya-Azərbaycan əməkdaşlığı möhkəm zəmin üzərində qurulub
İtaliyaya rəsmi səfəri çərçivəsində xarici işlər naziri Elmar Məmmədyarov Italiya Beynəlxalq Təşkilat Cəmiyyətində (SİOİ) çıxış edib.

XİN-dən Trend-ə verilən məlumata görə, E.Məmmədyarov İtaliyaya rəsmi səfəri çərçivəsində Romada yerləşən İtaliyanın ən qədim və nüfuzlu beyin mərkəzlərindən olan Italiya Beynəlxalq Təşkilat Cəmiyyətində (SİOİ) olub.

Nazir E.Məmmədyarov İtaliyanın sabiq xarici işlər naziri və SİOİ-nin prezidenti Franko Fratti ilə birlikdə Azərbaycan və İtaliya arasında diplomatik münasibətlərin qurulmasının 25-ci ildönümünə həsr edilmiş foto sərginin açlışında iştirak edib. Sərgiyə iki ölkə arasında diplomatik münasibətlərin tarixinin ən maraq kəsb edən məqamları, o cümlədən həyata keçirilmiş yüksək səviyyəli səfərlər, Azərbaycan həqiqətlərinin və mədəniyyətinin təbliği istiqamətində İtaliyada təşki olunmuş tədbirlərə dair fotoşəkillər, habelə münasibətlərin tarixini əks etdirən sənədlərin surətləri daxil edilib.

Sonra SİOİ-də Azərbaycan-İtaliya arasında diplomatik münasibətlərin qurulmasının 25-ci ildönümünə həsr edilmiş konfrans keçirilib. Konfransı giriş sözü ilə açan Franko Fratti ölkəmizə çoxsaylı səfəri ilə bağlı təəssüratları, Azərbaycanın regional və beynəlxalq siyasətdəki rolu barədə təqdimat xarakterli məlumat verib. Daha sonra çıxış edən İtaliya xarici işlər nazirinin müavini Benedetto Della Vedova İtaliya-Azərbaycan əməkdaşlığının möhkəm zəmin üzərində qurulduğunu və strateji tərəfdaşlıq səviyyəsinə yüksəldiyini deyərək iki ölkə arasında əlaqələrin hərtərəfli inkişaf etdiyini diqqətə çatdırıb.

Çıxış əsnasında xarici işlər naziri E.Məmmədyarov Azərbaycanın xarisi siyasətinn prioritetləri və Azərbaycan-İtaliya münasibətlərinin inkişaf perspektivlərinə toxunub. Bu xüsusda nazir E.Məmmədyarov ölkəmizin müstəqllik tarixi, Ermənistanın Azərbaycana qarşı təcavüzü və onun ağır nəticələri, münaqişənin həlli üzrə nizamlanma prosesi, enerji və nəqliyyat strategiyası, o cümlədən TANAP və TAP layihələri, beynəlxalq sülh və təhlükəsziliyə töhfələrimiz, multikulturlizm və dinlərarası dialoqun təşviqi, Azərbaycanın İtaliya və Avropa İttifaqı ilə əlaqələri barədə ətraflı danışıb. Çıxışın ardınca E.Məmmədyarov auditoriyanın çoxsaylı sullarını cavablandırıb.

Tədbirdə İtaliya parlamentinin üzvləri, beyqnəlxalq münasibətlər və beynəlxalq hüquq sahəsində alimlər, tədqiqatçılar, İtaliyada akkreditə olunan diplomatik korpusun üzvləri və mətbuat nümayəndələri iştirak ediblər.




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0046
GEL 1 Gürcü larisi 0.7014
GBP 1 İngilis funt sterlinqi 2.2116
TRY 1 Türk lirəsi 0.4775
KWD 1 Küveyt dinarı 5.6089
SEK 1 İsveç kronu 0.1960
EUR 1 Avro 1.9152
CHF 1 İsveçrə frankı 1.7506
USD 1 ABŞ dolları 1.7023